Арсенал избра: Одегард е новиот капитен на тимот

Mладиот норвешки фудбалер, Мартин Одегард е нов капитен на Арсенал, потврдија „топџиите“.

Одлуката прво ја донел Микел Артата, а потоа била одобрена од целиот тим и управата.

„Одегард имаше големо влијание од кога дојде на „Емирати“ од Реал Мадрид во јануари 2021“, стои во објавата за 23-годишниот на официјалниот сајт.

Норвежанецот за Арсенал одигра 60 натпревари и постигна девет голови. Како капитен Одегард има искуство во репрезентацијата каде што ја носи капитенската лента од март 2021 година.

Во текот на кариерата од Реал беше испраќан на позјимици во Херневен, Витесе и Реал Сосиедад. Кариерата ја започна во Стромгест.