Аргентинец на црниот пазар треба да издвои скоро две просечни плати за – најлошото место во „суперкласико“?!

Оваа година како што е познато во финалето на Копа Либертадорес ќе се сретнат можеби најголемите фудбалски ривали, Бока Јуниорс и Ривер Плата.

До првиот натпревар од ова епско финале остануваат само уште четири дена и јасно е во Аргентина во овие моменти тоа е главната тема.

Во ваквиот спектакл многумина гледаат шанса и за солидна заработка, па така на црниот пазар се појавија влезници по ненормално висиоки цени, дури сто пати поголеми од нормалната.

Просекот на цената за билетите за натпреварите на Бока и Ривер се движат помеѓу 20 и 40 долари, а сега на црниот пазар за најлошите места на стадионот цената е – 1.300 долари!

Секако за подобрите места цената е далеку повисока и изнесува околу 4.500 долари.

Кога во прашање се ВИП ложите цената на една влезница веројатно може да достигне и цена од 8.000 – 9.000 долари.

Овие цени се уште повеќе неверојатни ако се знае дека во Аргентина просечната плата изнесува околу 800 долари.