Аргентина без проблеми против Хондурас, Меси блесна со мајсторски лоб 🎥

Изминатата вечер репрезентацијата на Аргентина со 3:0 го победи Хондурас во Мајами, а на овој натпревар во вистинско светло блесна Лионел Меси.

Аргентинците со овој триумф ја продолжија серијата од 34 натпревари без пораз во кои имаат 24 победи и 10 нерешени натпревари, сега ги делат само уште три натпревари да ја достигнат Италија која издржа 37 натпревари без пораз.

Два гола на средбата постигна Меси, а еден беше дело на Лаутаро. Напаѓачот на Интер го постигна првиот гол, Меси подоцна во првото полувреме реализираше пенал. Во вториот дел на теренот видовме и една турканица откако еден од репрезентативците на Хондурас со лакт го „разнесе“ Меси.

Одговорот на Меси беше фудбалски и со мајсторски лоб во 69. минута го матираше противничкиот голман за конечни 3:0.

If there was a video to show how much the Argentina players love Messi, this is it. pic.twitter.com/tdbi3iEpBK

— J. (@Messilizer) September 24, 2022