Анчелоти за Бензема: Му кажав дека нема да игра, не спаси масерот

Реал Мадрид синоќа оствари голема победа на гостувањето кај Челзи во Лигата на шампионите (1:3).

Херој за „кралевите“ и овој пат беше Карим Бензема кој одигра уште еден фантастичен натпревар и ги постигна сите три гола.

Карло Анчелоти откри како се шегувал со Французинот пред почетокот на мечот и му кажал дека нема да игра.

„Кога излеговме од автобусот, му кажав дека нема да игра бидејќи ја загуби акредитацијата без која не може да влезе на терен. Не спаси масерот кој ја пронајде пропусницата и сите се насмеавме. За него немам што повеќе да кажам, Карим е фантастичен“, изјави Анчелоти.