Алегри пред дербито во ЛШ ги откри разликите помеѓу Дибала и Меси

Јувентус утре го игра својот натпревар против Барселона во Лигата на шампионите, а пред овој натпревар како и тренерот Ернесто Валверде, пред медиумите зборуваше и Масимилијано Алегри.

Паоло Дибала игра одлично оваа сезона, како и Меси во Барселона, па од тренерот на Италијанците беше побарано да направи споредба помеѓу двете аргентински фудбалски ѕвезди.

„Дибала и Меси се различни фудбалери. Меси е брз и експлозивен на стартот, од друга страна Дибала е аеробичен. Меси е невозможно да го чувате со еден фудбалер, за да го запрете потребно е целиот тим да работи добро, тој може да пронајде простор онаму каде што никој друг не може“, изјави Алегри.

Натпреварот помеѓу Јувентус и Барселона се игра утре со почеток во 20:45 минути.