Азар: Јас во Реал Мадрид? Зошто да не?

Ѕвездата на Челзи, Едеин Азар уште еднаш не ја отфрли можноста да се пресели во Реал Мадрид и предизвика лавина реакции на Островот.

Азар веќе неколку пати кажа дека има желба да настапува за „кралевите“, а сега на новинарско прашање дали би се преселил во Реал Мадрид одговори:

„Зошто да не?“

Потоа беше запрашан дали летово сакал да го напушти Челзи и да се пресели во Мадрид.

„Вие тоа добро го знаете. Прашувате иако го знаете одоговорот. Така што не е е потребно да го поставувате“, заклучи Азар и додаде:

„Во Англија освоив многу трофеи, но тоа не значи дека сигурно заминувам. Секогаш зборував дека сакам да играм во друга лига, но постојат работи кои би можеле да ме задржат во Лондон. По Мундијалот сакав да заминам, но останав во Челзи и ова е една од моите најдобрите сезони досега“.

28-годишниот Азар има уште 18 месеци од договорот со Челзи и во неколку наврати одби да ја продолжи соработката.