Адидас спреми специјални копачки за Меси по повод 15 годишната соработка

Лионел Меси вечерва би требало да заигра за прв пат во новата сезона и тоа во натпреварот од првото коло во ЛШ против Борусија Дортмунд.

Каталонскиот клуб новата сезона во ЛШ ја отвара на тешко гостување во Дортмунд, но пред овој натпревар навивачите добија убави вести бидејќи Меси конечно се врати во екипата и ќе конкурира за вечерашниот натпревар.

Меси се повреди на петти август и нема настап во дресот на Барса уште од претходната сезона. Аргентинецот ги пропушти припремите и четири натпревари во Ла Лига, но сега конечно е на располагање.

Меси од почетокот на следниот месец ќе носи посебни копачки креирани за него од Адидас. Меси и Адидас соработуваат веќе 15 години, а по тој повод Меси ќе добие специјални златни копачки. Во нив би требало да заигра на почетокот од октомври.