Интер е во преговори со Манчестер Јунајтед за продажба на хрватскиот репрезентативец Иван Перишиќ, па иако сеуште не е постигнат договор, сепак „нероаѕурите“ веќе бараат негова замена.
Италијанските медиуми пренесуваат дека желбата на Спалети е црномурестиот напаѓач на Атлетик Билбао, Инаки Вилијамс.
Кој ќе тепа на Ел Класико!? ↓↓↓
Вилијамс, кој е по потекло Афрканец, но роден во Баскија важи за еден од најталентираните и најбрзи фудбалери во Европа.
Неговата цена е висока, има откупна клаузула од 50 милиони евра, но Интер сака да започне преговори со Билбао и да го купи фудбалерот за 10 милиони помалку.
Самиот фудбалер е спремен да се пресели во Италија, каде ќе заработува многу повеќе, а тренерот Спалети смета дека ќе биде идеално засилување за „нероаѕурите“.
Во секој случај, Интер најпрво треба да постигне договор со Манчестер Јунајтед за Перишиќ, а потоа да се насочи кон Инаки Вилијамс.