Џабе трипл-дабл на Харден, Бојан Богдановиќ со тројка во последната секунда го сруши Хјустон (ВИДЕО)

Изминатата вечер во НБА лигата беа одиграни седум натпревари.

Хјустон и покрај трипл-даблот на Џејмс Харден (28 поени, 10 скокови и 10 асистенции) и 39. поени на Расел Вестбрук изгуби на свој терен од Јута со 113:114. Џордан Кларксон уфрли 30, а Донован Мичел 25 поени во редовите на Јута. Но херој на Јута беше Бојан Богдановиќ кој во последната секунда погоди тројка за победа.

?| @lockedonsports with the call on the game-winner ⤵️ pic.twitter.com/jtZ5TdCv6i

— Utah Jazz (@utahjazz) February 10, 2020

Луд натпревар одиграа Атланта и Њујорк, Хокси славеа после две продолженија со 140:135 со 48 поени и 13 скокови на Трае Јанг. Кај Никси, Џулијн Рендл го заврши натпреварот со 35 поени и 18 скокови.

Младиот Турчин Фуркан Коркмаз одигра уште еден одличен натпревар, тој ја одведе Филаделфија до победа над Чикаго од 118:111. Коркмаз ја игра својата трета сезона во НБА. Против Чикаго постигна шест тројки и вкупно имаше 31 поен, пет скока и две асистенции и три украдени топки. Тој успеа да засени ѕвезди како Бен Симонс и Џоел Ембид. Ова е втор натпревар во низа на кој Коркмаз постигнува 30+поени. Против Мемфис уфрли рекордни 34.

Клиперси беа убедливи против Кливленд со 133:92, Лу Вилијамс беше најефикасен на натпреварот со 25 поени.

НБА резултати

Атланта – Њујорк Никси 140:135

Филаделфија – Чикаго 118:111

Вашингтон – Мемфис 99:106

Хјустон – Јута 113:114

Кливленд – Клиперси 92:133

Портланд – Мајами 115:109

Оклахома – Бостон 111:112