Ќе се најде ли клуб за Азар?

Сезоната во најсилните првенства е пред самиот почеток, а Еден Азар се уште е без клуб.

Белгиецот во јуни го раскина договорот со Реал Мадрид иако имаше уште една сезона, се шпекулираше дека може да се пензионира.

Од тогаш до денес работите не се променија многу бидејќи, Азар нема ниту една понуда од Европа, дури и од помалку атрактивните лиги.

Наводно, има три опции – Бразил, МЛС и Саудиска Арабија. Во Бразил се споменува Ботофаго, додека неколку клуба од МЛС покажале интерес. Слична е ситуацијата и со понудите од Саудиска Арабија, иако имињата на клубовите не се познати.

Проблем е што Азар не е премногу заинтересиран за настап во овие земји и попрво би ја завршил кариерата. Како слободен играч, Азар може да потпише договор и кога преодниот рок ќе заврши.