Ѕвездата на Марсеј пред трансфер во Милан

Милан е блиску до комплетирање на трансферот на играчот на Марсеј, Бубакар Камара, пренесуваат медиумите на Апенините.

21-годишниот играч одигра одлична сезона со Марсеј, а скаутите на Милан веќе подолго време ги следат неговите настапи и неговиот развој.

Камара е поливалентен играч кој може да игра како централен дефанзивец, но и како последен играч за врска. Милан е во потрага по засилување за средниот ред и во него гледа идеална алтернатива за Кеси.

Договорот на Камара истекува следното лето, па поради тоа Марсеј мора да го продаде, а за неговата слобода бара 20 милиони евра.

Милан понудил 15 милиони евра плус бонус, па двата клуба се блиску до договор.

📰 @beinsports_FR: #ACMilan close to completing signing of Marseille star Boubacar Kamarahttps://t.co/GszKhkQbcn #SempreMilan

— SempreMilan (@SempreMilanCom) June 25, 2021