Ѓоковиќ по титулата го „пецна“ и Надал: Јас сум искрен, не се преправам како некои други!

Новак Ѓоковиќ вчера го освои 97. трофеј во кариерата откако го победи Григор Димитров во финалето на Мастерсот во Париз. Пред Новак сега се само Федерер со шест повеќе и Џими Конорс со 109.

Но, посебна мотивација Ѓоковиќ добил и од Рафаел Надал. Пред неколку недели Надал изјави дека Ѓоковиќ бил фрустриран ако не освои најмногу грен-слем титули.

„Одам по сите рекорид, сакам да ги срушам сите, никогаш тоа не сум го криел, ниту сум имал проблем да го кажам. Не се преправав како некои други, да кажам дека тоа не е ми е целта, па да се однесувам поинаку. Секогаш се трудам да се однесувам во склад со она во што верувам“, изјави Ѓоковиќ.

Надал од друга страна се уште се опоравува од повредата и најави враќање во 2024 година.