Ѓоковиќ без проблеми се пласираше во второто коло на Ролан Гарос

Светскиот тенисер број еден Новак Ѓоковиќ со победа го започна својот пат на овосезонскиот Ролан Гарос каде ја брани титулата.

Тој во првото коло со вкупни 3:0 во сетови (6:4, 7:6, 6:4) беше подобар од Пјер-Хјуг Херберт, 142. играч во светот.

Единствените проблеми што Французинот му ги направи на српскиот тенисер беа во вториот сет, во кој отиде до тај брејк, но таму лошо го чуваше својот сервис.

Ѓоковиќ во второто коло ќе игра против шпанскиот тенисер Роберто Карбалес Баена, 63-от светски играч. Тој во првото коло го совлада Французинот Констан Лестиен со 3:1 во сетови (6:3, 7:5, 4:6, 6:2). Во Париз, Ѓоковиќ ја брка својата четврта титула на тој турнир и својот 25. Грен слем.

A strong start for the defending champ ✨#RolandGarros @DjokerNole pic.twitter.com/qNSvLdbdHN

— Roland-Garros (@rolandgarros) May 28, 2024