Шпанците навистина го налутиле: После вилата, Роналдо се откажува и од последната допирна точка со оваа земја!

Кристиано Роналдо не се раздели на најдобар начин со управата на Реал Мадрид иако во тој клуб помина цели девет години.

Роналдо не само што не е задоволен од управата на Реал, туку повеќе не сака да има никаква поврзаност и со државата Шпанија.

Имено, тој неодамна ја продаде куќата во Мадрид од 5.5 милиони евра, а сега на продажбата го стави и хотелот кој го купи за 20 милиони во шпанската престолнина.

Новата ѕвезда на Јувентус се договори до даночните работници во оваа земја и ќе им ја плати сумата од 13.5 милиони евра како оштета и повеќе не сака да има ништо во оваа земја. Иако се очекуваше Роналдо да помине и во тренинг центарот со цел да се поздрави со своите поранешни соиграчи, сепак тоа нема да го направи, а медиумите пишуваат дека причината е Флорентино Перез.

Во секој случај, Роналдо после обврските кон спонзорите во Кина патува на последниот дел од одморот, а потоа ќе се појави во Виново каде што ќе го почека останатиот дел од тимот на Јувентус да се врати од турнеата во САД.