Шпански АС: Роналдо и девет разочарувања, проклетството продолжува

Кристијано Роналдо го шокираше светот кога ја напушти Европа во 2022 година и потпиша за Ал Наср од Саудиска Арабија.

Португалската суперѕвезда за овој ангажман добива 200 милиони евра годишно, досега има одиграно 76 натпревари, но и понатаму недостигаат поголеми успеси.

Роналдо има солиден учинок од 67 гола и 18 асистенции, но досега има само еден трофеј откако пристигна во оваа азиска земја – Купот на арапските клупски шампиони.

Тој го освои овој трофеј пред година и пол, и ништо од тогаш.

На оваа тема се занимава и шпанскиот весник АС кој традиционално има лош однос кон Роналдо. Причината за тоа лежи во фактот што Португалецот е поранешен фудбалер на Реал Мадрид, клуб против кој овој медиум војува со години.

„Изгуби девет титули во Саудиска Арабија“, напиша AS откако поранешната ѕвезда на Реал Мадрид промаши пенал во 96. минута. Натпреварот заврши 1:0, а Ал Наср беше елиминиран од Купот на Саудиска Арабија во осминафиналето.

„Проклетството продолжува“, се додава во текстот и се наведува дека елиминацијата од купот е „деветто разочарување за Роналдо откако пристигна во Саудиска Арабија во 2023 година“.