Челзи му ја „краде“ големата желба на Тен Хаг

Новиот менаџер на Манчестер Јунајтед, Ерик тен Хаг сака да го донесе својот „пулен“ од Ајакс, Бразилецот Ентони.

22-годишниот Ентони блесна оваа сезона во дресот на Ајакс и се промовираше во еден од најголемите таленти во светот.

Бразилецот игра како крилен напаѓач и оваа сезона постигна 12 гола и 10 асистенции, па го привлече вниманието на многу европски гиганти.

Првата понуда од Манчестер Јунајтед беше одбиена, а сега во трката за Бразилецот се вклучи и Челзи. „Сините“ веќе стапиле во контакт со агентите на напаѓачот и сакаат да го „украдат“ пред носот на големиот ривал.

Челзи е спремен да ја плати сумата од 60 милиони евра која Ајакс ја бара за 22-годишниот крилен напаѓач.