Челзи го нуди Фабрегас за Де Шиљо

Италијанските медиуми пренесуваат дека раководството на Челзи е спремно да му понуди трампа на Милан, така што ќе го даде Цеск Фабрегас за да го добие потписот на Матија Де Шиљо.

Цеск Фабрегас не е прва опција на Антонио Конте па поради тоа често се говори за негово заминување од „Стенфорд Бриџ“, а најзинтересиран за неговиот потпис е токму Милан.

„Сините“ се спремни да ја искористат таквата ситуација и да го добијат левиот бек Матија Де Шиљо, кој е голема желба на тренерот Антонио Конте.

Притоа „сините“ покрај Де Шиљо сакаат и доплата од 10 милиони евра, но Милан тешко дека ќе се согласи на ваквата трампа.