Чави: Потребно е време за да играме онака како што јас сакам

Екипата на Барселона денес ќе го пречека Елче во рамките од Ла Лига и каталонците се надеваат на победа и доближување до врвот на табелата.

На прес-конференцијата пред овој натпревар Чави испрати критики за дел од фудбалерите.

„Некои играчи имаат проблем да ја разберат позициската игра, но не сум изненаден. Потребно е време да заиграме онака како што јас сакам“.

Потребни се засилувања во јануари, но Барселона е и во тешка финансиска ситуација.

„Тешко ќе биде да пронајдеме засилувања со оглед на финансиската ситуација во клубот. Разговаравме со претседателот и му кажав што ми е потребно на краток и долг период. Ќе видиме како ќе се одвиваат работите“, изјави Чави.