Халанд призна: Левандовски е број 1

Ерлинг Халанд смета дека Роберт Левандовски беше најдобар фудбалер на светот за 2021 година.

Изборот на Халанд се поклопува со тој на ФИФА, а не и на „Франс фудбал“, кој Златната топка му ја додели на Лионел Меси.

Норвежанецот беше прашан кои според него се најдобрите тројца фудбалери кои ја одбележаа 2021 година.

„Мора да се признае дека во моментов број 1 е Роберт Левандовски. Јас сметам дека е најдобар. Тука е и Карим Бензема, навистина беше фантастичен, а Меси секогаш е при врвот. Значи Бензема би бил втор, а Меси трет за минатата година“, изјави Халанд.