Фиорентина го запре „бледиот“ Јувентус

Фиорентина и Јувентус одиграа возбудлив натпревар на кој недостасуваа само голови, па на крајот двата тима ги поделија бодовите.

„Виолетовите“одлично го отворија мечот и во 16-та минута имаа одлична шанса за водство. Само минута покасно Де Лихт направи грешка, но Шчешни ја спаси мрежата.

За издвојување од првиот дел се и повредите на Даглас Коста и Миралем Пјаниќ кои мораа да го напуштат теренот.

Вториот дел не донесе поголеми изненадувања, а впечатокот е дека Фиорентина беше поблиску до победата и може повеќе да жали.