Фергусон: Убавината на фудбалот е што најмалиот може да дојде до врвот

Суперлигата се уште знае да биде тема во европските медиуми, па така сега свој коментар даде и Сер Алекс Фергусон кој исто така е против оваа идеја.

Поранешниот менаџер на Манчестер Јунајтед објасни и зошто за него една Суперлига би била погрешен потег.

„Не смееме да заборавиме дека вистинската убавина на фудбалот е што најмалиот може да дојде до врвот на Еверест во европскиот фудбал. Верувам дека ова е најдобриот начин да се објасни зошто Суперлигата е нешто погрешно. Секој тим има право да сонува дека еден ден ќе дојде до невозможни височини“, изјави Фергусон.