Фановите на Манчестер Сити: Суперлигата е создадена само од алчност

Maнчестер Сити е еден од 12-те клубови кои потврдија дека ќе бидат дел од новоформираната Суперлига.

Најбогатите клубови одлучија да формираат приватна лига во која ќе имаат многу поголем прихид, 350 милиони евра за учество. Тоа е четири пати повеќе отколку што Баерн заработи минатата година кога ја освои Лигата на шампионите.

Фудбалските фанови ширум светот во најголем дел се против ваквата Суперлига. Јавно бојкот веќе најавија фановите на Сити.

„Апсолутно сме против Суперлигата. Тоа е натпреварување без спортски засулуги и се создава само за алчност. Натпреварувањето е создадено без знаење и консултација со навивачите. Одлучни сме против и ќе соработуваме заедно со фановите на сите клубови за да се слушне и нашиот глас“ стои во соопштението од фановите на „граѓаните“.

Треба да се спомене и дека Јирген Клоп во 2019 година даде изјава во која зборува дека е против ова натпреварување, но сега и неговиот Ливерпул го потврди учеството.