УЕФА ги исфрла Реал, Барса, Јувентус и Милан од европските натпреварувања?

Европската куќа на фудбалот (УЕФА) спрема сериозни казни за 12-те клуба кои учествуваа во правењето на Суперлигата.

Суперлигата пропадна после само 48 часа откако беше објавена, но ја налути УЕФА и предизвика незадоволство кај фудбалските фанови.

„ЕСПН“ пренесува дека најсериозни казни ќе добијат Реал Мадрид, Јувентус, Барселона и Милан кои можат да бидат суспендирани од европските натпреварувања на две години. Притоа, клубовите ќе бидат и финансиски казнети.

Официјалните казни за сите клубови УЕФА ќе ги соопшти во средината на месец мај, а во моментов се е во сферата на шпекулации.