Тренер на годината: Зидан, Алегри или Конте!

ФИФА денес ги објави финалистите, па во трка за наградата „тренер на годината“ ќе бидат тројца кандидати.

Зинедин Зидан е прв фаворит, откако со Реал Мадрид минатата година ги освои Лигата на шампиони и Примера, но за ова престижно признание уште ќе се борат и Масимилиано Алегри, кој со Јувентус го освои Скудетото и стигна до финалето во ЛШ, како и Антонио Конте кој на доминантен начин на освои Премиер лигата.

Капитените и тренерите на клубовите ќе гласаат за најдобриот меѓу нив, а во гласањето исто така ќе учествуваат навивачи, како и 200 новинари.

Најдобриот тренер ќе биде прогласен на престојната церемонија во Лондон на 23-ти октомври, кога ќе биде прогласен и најдобриот фудбалер.