Тотенхем направи план како да го доведе ГОЛЕМИОТ англиски талент

Британските медиумите пренесуваат дека Тотенхем „фрли око“ на Макс Аронс, тинејџерската сензација од Чемпионшип.

Станува збор за 18-годишниот фудбалер на Норвич кој игра на позицијата десен бек, иако по потреба може да игра и по левата страна. На таа позиција во Тотенхем се добро покриени, но во лондонскиот клуб мислат на иднината и имаат во план да го ангажираат Аронс уште во јануари. Меѓутоа, Норвич не сака да го пушти во пола сезона, бидејќи со тоа се намалиле шансите да се квалификуваат за пласман во Премиер лигата.

Тотенхем има во план во јануари да го откупи договорот на Аронс за 15 милиони фунти, но овој играч да остане во Норвич како позајмен играч до крајот на сезоната. Тотенхем не е единствениот клуб кој е заинтересиран за него, бидејќи интерес за него покажа и Лајпциг.