Татко и син ќе тргнат во победа против Дортмунд: Зидан со изненадувачки промени во составот

Неколкумина фудбалери на Реал Мадрид ќе го пропуштат дуелот против Борусија Дортмунд во рамки на Лигата на шампионите, па Зинедин Зидан помеѓу 20те патници во Германија, мораше да вметне и некои изненадувачки имиња.

Марсело, Тео Ернандез, Ваљејо, Ковачиќ и Бензема се повредени, па на екипата на Реал за претстојниот меч во ЛШ ќе и се придружат неколкумина млади фудбалери на „Кралевите“.

Помеѓу останатите, меѓу патниците за Дортмунд ќе се најде и синот на тренерот Зинедин Зидан, младиот Лука, како и 21-годишниот дефанзивец Тејеро. Се очекува дека двајцата ќе бидат меѓу 18те фудбалери кои ќе имаат право на настап против Борусија Дортмунд.