Сумата е неверојатна: Продадена најскапата влезница во историјата на Премиер лигата

Tимот на Челзи успеа да испише историја како клуб кој ја продал најскапата карта за еден од натпревар од Премиер лигата.

Имено, Челзи продаде влезница за сума од неверојатни 5.000 фунти. Тоа е сума доволна да се постави нов рекорд во Премиер лигата.

Седиштето е веднаш зад Маурисио Покиетно и човекот кој ја купи ќе има можност да ги запознае фудбалерите на Челзи, а покрај тоа ќе биде достојно пречекан и испратен од натпреварот.

Влезницата е за натпреварот во април кога Челзи ќе игра против Манчестер Јунајтед. Претходниот рекорд го држеше Манчестер Сити со продадена карта за 4.200 фунти. Тука е и Вест Хем кој со пакет кој вклучува летање со хеликоптер на стадионот успеа да продаде влезница за 4.000 фунти.