Судијата кој го исклучи Ибра, повеќе нема да му суди на Милан

Судиската комисија на Италијанската федерација не е задоволна од одлуката судијата Фабио Мареска да му покаже црвен картон на Ибрахимовиќ на мечот против Парма.

Имено, судијата погрешно го разбрал протестирањето на Ибрахимовиќ, па го испрати во соблекувална.

„Значи не се грижиш што кажав јас? Чудно…“, кажал саркастично Ибра, но судијата помислил дека го нарекол копиле.

Милан после мечот протестираше за ваквата одлука и неправилното исклучување на Ибра, а Судиската комисија оцени дека Мареска направил грешка.

Поради тоа Мареска ќе добие казна и во извесен период нема да му суди натпревари на Милан.