Во викендот кој е зад нас се играа натпревари од 28. коло во Првата македонска фудбалска лига, а според Судиската комисија при Фудбалската федерација на Македонија на терените немало премногу судиски грешки.
Aрбитрите не досудиле пенал за актуелниот шампион Струга Трим Лум во натпреварот против Македонија Ѓорче Петров, но тоа не влијаеше на конечниот исход бидејќи Струга го доби натпреварот со 0:1.
Шанса да станеш YouTuber! Приклучи се! ↓↓↓
„Играч на гостинската екипа центрираше топка во 16-сетникот на домашната екипа, играч на домашната екипа неспретно реагира, ја удри топката со рака која притоа му беше широко одвоена од телото и во неприродна положба и со тоа ја спречи акцијата. Погрешна одлука на главниот судија што дозволи играта да продолжи, во оваа ситуација главниот судија требаше да досуди пенал за гостинската екипа поради недозволена игра со рака (широко одвоена од тело и зголемен волумен на раката) на играч на домашната екипа“, стои во анализата на Судиската комисија.
На останатите натпревари немало посериозни грешки.
Кога е ВМФЛ во прашање таму оштетени биле две екипи. На Караорман му бил поништен гол поради непостоечки офсајд против Победа, а на ист начин оштетен бил и Вардар Неготино против Башкими.
Учество во игри на среќа е дозволено за лица со 18+ години. Играј одговорно!