Суарез: Што ни се случува во гости? Тоа тренерот треба да го анализира

Луис Суарез е среќен поради новите погодоци, но истовремено и тажен бидејќи Барселона не успеа да слави против Селта Виго.

Со овој бод Барса е лидер пред Реал Мадрид, но Кралевите утре против Еспањол ќе имаат прилика да се вратат на челната позиција.

„Чувството? Негативно, бидејќи изгубивме два важни бода и моравме да победиме на секој натпревар. Фрустриран сум поради тоа, иако сум среќен поради двата гола кои ги постигнав.“ – изјави Суарез и додаде:

„До крајот ни остануваат тешки натпревари и знаевме дека секој ќе биде еднакво тежок после паузата. Што ни се случува во гости? Многу бодови изгубивме. Тренерите би требало да ја анализираат таа ситуација.“