„Стотката“ на Роналдо, против „стотката“ на Меси

Португалецот до троцифрен број голови стигна минатата сезона, но кој беше побрз?

Лионел Меси вчера стигна до бројка од 100 гола во Лигата на Шампионите. Аргентинецот постигна два гола во дуелот со Челзи на „Камп Ноу“, може да се каже дека тој ги исфрли „Сините“ од понатамошниот тек од натпреварувањето, како и во третиот гол на Барса успеа да асистира.

Интересно е дека на фудбалерот на Барселона му беше потребно помалку време за да дојде до бројката од 100 гола во најелитното натпреварување од неговиот конкурент, Кристиано Роналдо. Португалецот до својот 100 гол дојде на својот 137. настап во ЛШ, а на Меси вчерашниот натпревар му беше 123. настапи во Лигата на Шампионите.

100 – Lionel Messi took 14 fewer apps, 1758 fewer minutes and 266 fewer shots to score his 100th Champions League goal than Cristiano Ronaldo. Greatest? pic.twitter.com/20Fyle8yOn

— OptaJoe (@OptaJoe) March 14, 2018

Поточно, Меси тоа го направи за 14 натправари или 1758 минути помалку од Роналдо, а за тој учинок од 100 гола му беа потребни 266 шута помалку од Португалецот. Меси својот 100. гол го постигна со 30 години и 263 дена, Роналдо до „стотката“ дојде со 32 години и 72 дена старост.

Сепак, треба да се додаде дека на Роналдо му беа потребни 30 натпревари за да го постигне својот прв гол во Лигата на Шампионите, а во продолжение погледнете уште неколку интересни факти поврзани за ефикасноста на најдобрите фудбалери на денешницата во Лигата на Шампионите.

– Меси загуби само три пати кога постигна гол
– Сегашната сезона е седма сезона во која Роналдо постигнува 10 или повеќе голови
– Роналдо во 33 натпревари постигна два или повеќе голови
– Двајцата имаат постигнато по седум хет-трика
– Роналдо е прв играч кој дојде до бројка од 50 голови во нокаут фазата
– Роналдо е единствениот играч кој постигнал три гола во финалињата
– Роналдо е еден од двајцата играчи кои постигнале гол на девет врзани натпревари (вториот е Руд Ван Нистелрој)
– Двајцата постигнаа по девет гола против еден клуб: Роналдо против Баерн, Меси против Аренал
– Двајцата постигнаа по рекордни 60 гола во групната фаза од натпреварувањето