Солскјер со изјавата уште еднаш ги разочара фановите на Манчестер Јунајтед

Менаџерот на Манчестер Јунајтед, Оле Гунер Солскјер смета дека разликата помеѓу „црвените ѓаволи“ и водечките клубови во Англија во овој момент е многу голема.

Солскјер ги разочара фановите и изјави дека „би било чудо ако неговиот тим следната сезона се бори за титулата во Премиер лигата“.

„Мислам дека ќе бидат доста чесен ако кажам дека би било чудо ако следната година се бориме за титулата. Следната сезона треба да ја намалиме разликата. Ако во февруари-март некако успееме да сме во борба за титулата би било фантастично“, изјави Солскјер.

„Никогаш не сме биле клуб кој купува готови играчи. Роналдо не беше ѕвезда кога пристугна кај нас. Руни исто така. Многу од фудбалерите кои доаѓаат овде потоа стануваат суперѕвезди. Тоа секогаш бил нашиот модел. Фановите исто така обожаваат играчи кои им носат радости“, додаде Солскјер.