Солскјер пресмета што му е потребно на Јунајтед за пласман во Топ 4

Менаџерот на Манчестер Јунајтед, Оле Гунер Солсјкер после синоќешниот пораз од Вулверхемптон знае што му е потребно на неговиот тим за да заврши во Топ 4 во Премиер лигата.

Имено, Солскјер пресмета дека „црвените ѓаволи“ имаат потреба од 15 бода во последните шест кола во Премиер лигата, за да обезбедат пласман во Лигата на шампиони.

„Требаше сега да бидеме меѓу најдобри три екипи на табелата. Можевме и требаше, но ние сме сами виновни за својот неуспех. Игравме добро до момент кога тие го постигнаа вториот гол“, изјави Солскјер.

„Кажав дека ни се потребни 18 бодови од последните осум кола по интернационалната пауза. Добивме три бода против Вотфорд и сега ни се потребни 15 од последните шест натпревари, така што немаме многу простор за губење бодови“, заклучи норвешкиот тренер.

Во моментов Манчестер Јунајтед е на 5-то место со 61 бод, но и натпревар повеќе од директните конкуренти.