Солскјер добива голем буџет за јануарски трансфери

Менаџерот на Манчестер Јунајтед, Оле Гунер Солскјер ќе добие добар буџет за трансфери во зимскиот преоден рок.

Раководството спремило сума од 70 милиони фунти за дополнително засилување на тимот во јануари, пренесуваат медиумите на Островот.

Меѓутоа, тој буџет ќе му биде ставен на располагање на Солскјер, само доколку тимот има реални шанси да се бори за титулата во Премиер лигата.

„Црвените ѓаволи“ ова лето на „Олд Трафорд“ ги донесе Роналдо, Санчо и Варан и за трите трансфери потроши 150 милиони фунти.

Тоа ги зголеми очекувањата во клубот, па иако во последно време резултатите не се најдобри, раководството верува дека тимот ќе се врати во трката за титулата.