Соиграч на Адеми и порашен член на „Ла Масија“ е новата мета на Милан

Талентиранито фудбалер се најде на радарот на Милан.

Како што пренесува „Калчо Меркато“ екипата на Милан е заинтересирана за крилниот играч на Динамо, Дани Олм.

Овој 20 годишен Шпанец во Загреб пристигна уште во 2014 година како 16 годишник и тоа од младинскиот погон на Барселона, познатата „Ла Масија“.

Олм прво настапуваше за вториот тим на Динамо, но во последно време е незаменлив член на првите 11, па неколку клубови помеѓу кои и Милан покажаа интерес за неговите услуги.

Неговиот агент Хуан Лопез потврди дека „Росонерите“ ги оствариле првите контакти, но додаде дека фудбалерот не е мета само на италијанскиот клуб.

„Можам да потврдам дека Милан, но и многу други клубови го следат Дани. Неколку клубови од Италија се во игра, како и уште неколку од Англија и Шпанија“, изјави Лопез.

Останува да видиме кој ќе стигне прв до потписот на овој талентиран играч, засега според зборовите на неговиот менаџер во пол-позиција се „росонерите“.