Со Тотенхем беше во финалето од ЛШ, сега сакаат да го продадат, но никој не сака да го купи

Управата на Тотенхем за крајот на трансфер периодот доведе неколку одлични засилувања, со кои навивачите ќе бидат презадоволни.

Тотенхем би можел да се вклучи и во борбата за првото место во Премиер лигата доколку успеаат да го реализираат планираното до крајот на денот. Во сенката на доведување на засилувања се очекува и продажба на некои играчи. Еден од нив е и Виктор Ванјама кој би требало да го напушти клубот. Сепак, постои еден проблем околку неговото заминување. Имено, Тотенхем би го продал, но ниту еден клуб не сака да го купи.

Тој прво бил понуден на Борнмаут, но тие на крајот наместо Ванјама го доведоа Билинг како големо засилување. По тоа од Тотенхем се надеваа дека Брајтон кој се распрашуваше за него ќе испрати и официјална понуда, но и тоа не се случи. Последен во играта беше Барнли, но тие се одлучија да се обидат да го доведат Дани Дринкватер.