Скриниар на чекор од трансфер во ПСЖ

Италијанските медиуми пренесуваат дека дефанзивецот на Интер, Милан Скриниар е на чекор од трансфер во ПСЖ.

Новиот спортски директор на ПСЖ, Луис Кампос го посочи како приоритет доведувањето на Скриниар и започна преговори со Интер.

„Нероаѕурите“ имаат финансиски проблеми и се спремни да продадат најмалку една своја ѕвезда, а најверојатно тоа ќе биде Скриниар.

Првата понуда од 50 милиони евра експресно беше одбиена, бидејќи Интер за слободата на дефанзивецот бара 70 милиони евра.

ПСЖ сега испрати нова понуда од 60 милиони евра плус бонуси и двата клуба се блиску до договор.

Според информациите дефанзивецот веќе се договорил со „светците“ за петгодишна соработка и плата од 7,5 милиони евра по сезона.

Milan #Skriniar is one step away to #PSG. Agreed personal terms for a 5-years contract with a salary of €7,5M/year + bonuses. #Paris have offered €60M to #Inter, which ask €70M to sell the player. #transfers https://t.co/OHtwbTCoW3

— Nicolò Schira (@NicoSchira) June 24, 2022