Серија А ќе го намалува бројот на клубови

Клубовите кои се натпреваруваат во Серија А започнаа разговори за можно намалување на бројот на екипи во лигата.

Најдобрите италијански клубови инсистираат на намалување на конкуренцијата во првенството поради најавениот нов формат на Лигата на шампионите и Светското клупско првенство. Се плашат од дополнително пополнување на распоредот. Како аргумент го користат и тоа што германското првенство се игра со 18 клуба, два помалку од италијанскиот шампионат.

Клубовите од средината на табелата, а особено оние од долниот дел, стравуваат дека одлуката дополнително може да им ги намали шансите за останување во Серија А, но и да им нанесе финансиска штета, особено во однос на ТВ правата.

За да се донесе одлуката за намалување на бројот на клубови ќе бидат потребни 14 гласа.