Се спрема „чистка“ во Арсенал: До крајот на преодниот рок заминуваат девет фудбалери?

Арсенал сака да продаде девет фудбалери до крајот на летниот преоден рок за да собере 115 милиони евра, а потоа да купи дефанзивец затоа што тренерот Микел Артета остана без услугите на Јуриен Тимбер кој се повреди.

Најголема желба на Артета е Марк Гуехи од Кристал Палас, но за да се реализира трансферот ќе му бидат потребни финансиски средства кои ќе ги заработи со продажба на дел од играчите.

На листата за отстрел се Киеран Тирни, Алберт Самби Лконга, Нуно Тавареш, Фоларин Балогун, Роб Холдинг, а ги има и Николас Пепе, Седрик Соареш и уште неколкумина.