Се зголемуваат ли шансите на Ливерпул? – Сити после Де Брујн остана без уште еден важен играч!

Манчестер Сити и Ливерпул се во голема борба во последните три кола за шампионската титула во Премиер лигата.

„Граѓаните“ имаат предност затоа што тие самите си одлучуваат и ако победат во последните три кола ќе ја одбранат титулата. Меѓутоа во завршницата Пеп Гвардиола се соочува со сериозни проблеми со повредните фудбалери.

Имено, Манчестер Сити во напната завршница влегува без еден од најдобрите играчи на овој тим Кевин Де Брујн кој доживеа нова повреда. На Белгиецот му настрада задната ложа на левата нога и се претпоставува дека за него оваа сезона е завршен.

Тоа секако беше неповолна вест за Пеп Гвардиола кој сега доби нов удар.

Fernandinho is using a knee brace similar to the one used previously by Kevin De Bruyne.

The Brazilian is out for tomorrow’s trip to Turf Moor and could miss the next few matches.

[@ManCityBrazil] pic.twitter.com/yYlzQVW1rO

— City Xtra (@City_Xtra) April 27, 2019

Важниот играч од средината на теренот, Фернандињо е повреден и со сигурност ќе го пропушти утрешниот натпревар против Барнли.

За работата да биде полоша Бразилецот како и својот белгиски соиграч носи лангета и навивачите стравуваат дека натпреварот против Барнли нема да биде единствениот кој ќе го пропушти.

Судејќи според сегашната ситуација Гвардиола до крајот на сезоната не ќе може да смета на двајца важни играчи.

На Сити до крајот на оваа сезона му остануваат натпревари против Барнли и Брајтон на гости и Лестер дома во Премиер лигата, како и финалето од ФА Купот против Вотфорд на „Вембли“.