Санчо на лето ја напушта Борусија Дортмунд, веќе познато името на новиот клуб

Англиските медиуми се сигурни дека Џејдон Санчо на крајот на сезоната ќе ја напушти Борусија Дортмунд.

Санчо во германскиот клуб пристигна во 2017 година од Манчестер Сити и блесна во дресот на „милионерите“. Овој 19-годишен офанзивен фудбалер воодушеви со своите настапи и се најде на мета на многу европски гиганти.

Оваа сезона Англичанецот одигра 29 меча за Дортмунд на кои постигна 15 гола и запиша 17 асистенции. Тој има договор со „милионерите“ до јуни 2022 година, но се шпекулира дека ова лето сигурно ќе ја промени средината.

„Скај Спорт“ пренесува дека Санчо веќе ги известил челниците на Борусија Дортмунд дека сака да го напушти клубот и да се врати во Англија.

Наводно Санчо веќе постигнал комплетен договор со Манчестер Јунајтед, па останува уште клубовите да се договорат околу обештетувањето. Се олекува Дортмунд од неговата продажба да инкасира околу 100 милиони евра.

Тоа ќе биде одлична зделка за германскиот клуб кој го откупи Санчо од Манчестер Сити за само 8 милиони фунти.