Салах со големи пофалби за 18-годишникот: Тој е наш најдобар играч во овој момент!

Фудбалерот на Ливерпул со српско потекло, Стефан Бајчетиќ продолжува да игра одлично во дресот на „црвените“ иако има само 18 години.

Бајчетиќ беше одличен и во вчерашната победа против најголемиот ривал, Евертон, иако тренерот Јирген Клоп му ја промени позицијата.

„Се истакна и многу сум задоволен од неговата игра. Тој одличен фудбалер, многу интелигентен и смирен. Го ставив на нова позиција. Беше стопер, потоа последен играч за врска, а сега играше во средината како „осмица“. Го прашав дали му се допадна улогата ми кажа „да““, изјави Клоп.

Посебно големи пофалби Бајќетиќ доби од Салах.

„Стефан е одлична личност и голем фудбалер. На секој натпревар максимално се труди. Откако почна да игра за нас, тој е најдобриот играч во екипата“, изјави Салах по натпреварот.

Бајчетиќ иако има потекло од Србија, сепак одлучи да игра за земјата на неговата мајка, Шпанија.