Русите најдоа решение: Нема виза за Салах

Се ближи Светското првенство во Русија, а таму ќе биде и еден од најдобрите фудбалери во светот оваа сезона, Салах со својот Египет.

Иако Египет не спаѓа меѓу фаворитите за повисок пласман, со присуството на Салах во тимот оваа репрезентација сепак заслужува респект.

Русите, кои се во група со Египет на Салах, се надеваат дека ѕвездата на Ливерпул сепак нема да биде толку добар како во „црвениот“ дрес. Некои пак, на шега нормално, порачуваат дека не треба да му биде дадена виза на Салах.

ММА борецот, Хабиб Нурмагамедо изјави дека „најдобро решение да се запре Салах е едноставно да му биде забранет влез во Русија“.

Салах ова сезона игра сензационално и до сега постигна 41 гол на 44 натпревари, со што сруши неколку рекорди.