Мегаѕвездата на Јувентус, Кристиано Роналдо истакна дека се надева дека уште долго време ќе игра на високо ниво.
Роналдо иако веќе има полни 34 години, игра во фантастична форма и постојано соборува рекорди и се уште е гладен за титули.
До кога ќе дишеме отровен воздух!? | Уште еден поткаст
Португалецот во интервју за „Франс Фудбал“ изјави дека уште на почетокот на кариерата ја сфатил суштината на фудбалот.
„Уште на 19-20 години сфатив дека фудбалот е цифри, титули, голови и рекорди. За да си ефективен пред голот прво треба да имаш талент, но талентот без работа е ништо. Ништо не паѓа од небо. Никогаш немаше да стигнам до тука без упорна работа. Мојата цел е да играм на највисоко ниво колку што може подолго“, изјави Роналдо.
Ова е дел од интервуто на Роналдо кое ќе излезе во наредниот број на „Франс Фудбал“ и поради кое одредени медиуми тврдат дека токму тој ќе ја освои „Златната топка“.
Учество во игри на среќа е дозволено за лица со 18+ години. Играј одговорно!