Роналдо посака од Барселона да му исполнат една желба

Реал Мадрид во саботата го освои трофејот на Светското клупско првенство откако го победија Гремио со 1:0.

По натпреварот, најдобриот играч во светот, Кристиано Роналдо изрази желба дека следниот викенд кога се игра големото дерби помеѓу Реал и Барселона, играчите на каталонскиот клуб да направат победнички шпалир и така да им оддадат почит на новите светски шампиони.

„Би било одлично тоа да ни го направат, сепак сме двојни светски шампиони“, изјави Роналдо.

Ел Класико се игра следниот викенд во Мадрид. Дали Барселона ќе му оддаде почит на освојувачот на Светското клупско првенство или ќе проба да го избегне овој чин и да не му се поклони на својот најголем ривал останува да видиме.