Роналдо очаен: Сака да си оди, но никој не го сака

Италијанските медиуми пренесуваат дека Кристиано Роналдо не е задоволен од ситуацијата во Јувентус и сака да ја промени средината.

После доаѓањето на Алегри на кормилото на „старата дама“ цело лето се шпекулира со заминување на Роналдо.

Италијанските медиуми пренесуваат дека Роналдо му рекол на неговиот агент Жорге Мендеш да му најде нов клуб, но проблем е што никој не е заинтересиран за Португалецот.

35-годишниот Роналдо заработува 31 милион евра по сезона, па во овој момент нема клуб, кој е спремен да му даде толкава плата.

Роналдо се поврзуваше со ПСЖ, но откако „светците“ го ангажираа Меси за него се затвори и вратата за Париз.

„Кориере дело Спорт“ пренесува дека единствена опција за Роналдо во моментов е Манчестер Сити, но многу поголема е веројатноста да остане уште една година во Јувентус.