Роналдо: Не сум таков како што мислат луѓето, не знам што ќе биде за година-две

Португалскиот фудбалер Кристиано Роналдо даде интервју за англиските медиуми во кое најави дека наскоро би можел да се пензионира.

Роналдо веќе десетина година е во врвот на светскиот на фудбал, а во февруари 2020 година ќе наполни 35 години и тоа значи дека полека доаѓа времето кога ќе треба да размислува за крај на кариерата.

Меѓутоа Португалецот се уште води грижа за своето тело и многумина ќе кажат дека сигурно може да игра на највисоко ниво уште пет-шест години. Сепак самиот Роналдо не е толку сигурно.

„Не сум луд, не сум опседнат тренинзи, успех и фудбал. Јас сум поинаков од она што за мене го мислат луѓето. Се уште го сакам фудбалот и сакам да ги забавувам моите фанови. Годините не се важни, важен е менталитетот. Во претходните пет години започнав да уживам и во работи надвор од фудбалот и поради тоа не знам што ќе биде за година или две“, изјави Роналдо.