Роналдињо: Не можам да кажам дека Меси е најдобар во историјата

Легендарниот фудбалер Роналдињо смета дека Лионел Меси не е најдобар играч во фудбалската историја.

Роналдињо кој своевремно играше со Меси во Барселона, смета дека низ историјата има многу фантастични фудбалери, но го истакна Аргентинецот како најдобар во неговата ера.

„Мило ми е што Меси ја освои шестата Златна топка бидејќи тој е мој голем пријател. Не сакам споредувања бидејќи тешко е да се каже кој е најдобар во историјата. Тука се Марадона, Пеле, Роналдо...Не можам да кажам дека Меси е најдобар во историјата, но е најдобар во неговата ера“, изјави Роналдињо.

Инаку, Роналдињо и самиот во текот на кариерата ја освои Златната топка и тоа во 2005 година, а многумина сметаат дека требало да има повеќе од една.

Меси сега е на бројката од шест вакви признанија со што е апсолутен рекордер, меѓутоа секако дека Кристиано Роналдо нема да се откаже од намерата да го стигне.