Романо и Ди Марцио едногласни: Челзи во фотофиниш тргнува по засилување од Јувентус!

Toмас Тухел по секоја цена сака уште еден последен играч за врска, а веќе е јасно дека тоа нема да биде ниту Френки Де Јонг, ниту Едисон Алварез.

Ајакс и дефинитивно ја одбил понудата на Челзи иако самиот играч инсистираше на трансфер. Меѓутоа двајцата најпознати новинари за трансфери во Италија тврдат дека Челзи има „џокер“ во последните моменти од преодниот рок.

Јувентус го доведе Паредес, тука се уште Локатели, Рабио, Мекени, Мирети, се чека враќање на Погба, па не е исклучено Денес Закарија да добие зелено светло за заминување. Токму Закарија е новата мета на „сините“.

Закарија во Јувентус пристигна во текот на зимскиот преоден рок, но не ги исполни очекувањата во Торино.