Рома сака да го откупи Мајорал

Раководството на Рома сака да ја искористи опцијата за откуп на напаѓачот Борха Мајорал, пренесува „Газета дело Спорт“.

23-годишниот Мајорал игра во Рома како позајмен фудбалер од Реал Мадрид. Позајмицата истекува во јуни 2022, а „волчицата“ за откуп ова лето треба да плати 15 милиони евра.

Ако опцијата за откуп не биде активирана ова лето, следната година сумата ќе биде 20 милиони евра.

Мајорал веднаш се наметна како добра опција во нападот на „волчицата“ и оваа сезона на 35 меча има постигнато 13 гола и 7 асистенции.